Skip to content

Ussassaarutit suut takusassanerlugit aaliangeeqataagit

Sapaatip akunneri arlallit qaangiummata Facebook-imi paasissutissavit app-init sorlernit atorneqarsinnaaneranut siunnersuutinik saqqummiussivunga.

Nalunngiliuk ussassaarutit sorliit takunissaanut aamma aaliangeeqataasinnaallutit?

Facebook nammineerluni allappoq Facebook-imi quppernerit sorliit likersimanerlugit, paasissutissat nammineq suliffeqarfinnut tunniussatit (soorlu email adressit) sumiinnerilluunniit tunngavigalugit ussassaarutit sorliit tulluarsorisatik takutittarlugit.

Namminerli aaliangeeqataasinnaavutit ussassaarutit sorliit takussanerlugit.

Computerimiit Facebook-eruit qulaani talerpiatungaani trekanti tooruk, indstillinger toorlugu Annoncer-ilu toorlugu.

App-eq atorlugu Facebook-eruit titarnerit pingasut ataani talerpiatungaaniittut tuukkit, indstillinger toorlugu Annoncer-ilu toqqarlugu.

Maanna soqutigisatit takusinnaalissavatit, takorusunngisatillu piiarsinnaanngorlugit. Computerimiikkuit mus-i sammisamut pisikkukku kryds nuissaaq toorneqarsinnaasoq taannalu toorukku sammisaq taanna piissavat. App-eq atorukku toorneeqqat pingasut toorukkit Fjern interesse toorsinnaalissavat taamaasillutillu sammisaq taanna peerlugu.

Dine oplysninger nalaani paasissutissat suut takuneqarsinnaassanersut aamma aaliangersinnaavat.

Toqqagassat arlalippassuupput, “mere” nalaani aamma amerlanerusarlutik. Piffissaq atugassaq atorluaruk, toqqagassallu tamakkerlugit.

Iluatsitsilluarina – neriuppungalu Facebook-imi susinnaanerlutit paasisaqarfiginerulaarit 🙂

Leave a Reply

Your email address will not be published. Required fields are marked *