Nittartakkat

Nutaamik nittartagartaarnissamut piffissanngorpa?

Malugiummi nittartagartaassat suliaritiguk namminerpiaq kissaatitit malillugit. 

Nittartagaqareerpit nutartigassaasumilli? Malugiuk ikiuilluarsinnaavoq. 

Nittartakkavit isikkua imarisaalu misissortikkusuppigit nittartakkavit kissaaterpiatit piviusunngortinniassammagit? Malugiuk ikiuilluarsinnaavoq. 

Malugiuk nittartakkanik assigiinngitsorpassuarnik sullissisinnaavoq pilersaarusiornermit suliarineranut siunnersuinermut. 

Malugiuk nittartagalioraangami ukua naliginnaasuupput akianullu ilaallutik:

  • Programmi atoruminartumik nittartagaq sanaajusarpoq tunniunneqareernerata kingorna nammineq ajornanngitsumik sukkasuumillu nutartertuarsinnaaniassagakku allanit ikiorneqaqqaarnak
  • Nittartagaq skærminut tamanut nammineerluni tulluarsartartoq
  • Nammineq nutartersinnaaniassagakku nittartagartaannut ilitsersuut
  • Nittartakkap pilersinneqannginnerani siunnersortinneq anguniakkavit pitsaanerpaamik angunissaa siunertaralugu
  • Piffissaq isumaqatigiissummi nittartakkamik saqqummiineq akuersereernerpit kingorna
  • Suliap aallartinnginnerani suliassaq, akia qaqugulu saqqummiunnissaanut isumaqatigiissut
  • Atorfissaqartissagukku nittartagaq arlalinnik oqaasertalik

Oqaloqatigiitta sunarpiaq atorfissaqartinnerit qanorpiarlu piviusunngortissinnaaneranik isumaqatiilluta. Apeqqutinik iluaqutigilluagassannik aperissavakkit siunnersorluarlutillu.

Neqeroorummik sanaatissavakkit suliassaq sunarpiaanersoq Malugiummilu sullitatut pissarsiarisassat nalornissutiginnginniassagakku. Isumaqatigiissut, akia qaqugulu nittartakkap saqqummiunnissaa aamma erseqqarissumik allaqqassapput. 

Malugiuk nittartagaq isumaqatigiissut malillugu aallartissavaa piffissamilu isumaqatigiissutaasumi saqqummiullugu – soorunalimi akuersereernerpit kingorna. 

Nittartakkat tamarmik taakkunanilu suliat assigiinngitsorpassuupput taamaammallu nittartagalerinermi nittartagaq aaliangersimasumik akeqanngilaq. 
Malugiuk nittartagalerinermi akunnermut 950 koruuni naliginnaasumik akigitittarpaa – nittartagalerinermili oqaatigeriikkatut neqeroorusiortarluni.
Taassuma saniatigut akunnernik qulinik ilanngartakkamik pisisoqarsinnaavoq, tassanilu minutsit 15-iniit ilanngaaneq ingerlasarpoq – ilinnut ataavartumik nittartakkanni sullinneqarusuttumut tulluarlurtoq. 

Soqutiginnippit?