Malugiuk pillugu

Malugiuk – Nuummi allaffilik – Februar 2016-imi pilersinneqarpoq. Aallaqqaataani Malugiuk sullitaminut Facebook-iunerusumi sullissisuuvoq. Mona – Malugiummik pilersitsisoq – suliffeqarfiit nittartakkani inoqatinullu attaveqaatiniinnerunissaanut ikiuilluarsinnaanerminik periarfissatsialammik takunnippoq. Tamannalu tigulluarneqarpoq, sullitammi siulliit suli ulloq manna tikillugu Malugiummit sullinneqarput.

Nittartakkanik pilersitsinissamut saaffiginnissutit amerlatsikkaluttuinnarmata Malugiuk nittartakkanik sullitaminut aamma neqeroortalerpoq. Nittartakkanik pilersitsinermi Malugiummut pingaaruteqartuaannarnikuuvoq nittartagaq suliarineqartoq sullitaasup pigisarigaa, imarisaaniit nittartakkamik pilersitsinermi programip atorneqartoq tikillugu. Nittartagarmi sullitamut tunniunneqareernerata kingorna sullitaasoq sukkasuumik ajornanngisumillu imarisaanik nutarterisinnaavoq nittartakkap suliarineqarnerani programi atugaasoq ajornanngitsunnguusoq peqqutigalugu.

Nunatsinni illoqarfiit nunaqarfiillu assersuutigalugu qimuttuitsunik tikeriaannaanngillat, taamaammallu inuit attaveqaqatigiittarfii nittartakkalu – Malugiuk isaani – suliffeqarfinnut atortutsialaaqaat. Taakkuami atorlugit suliffeqarfiup nunarput tamaat saaffigilersinnaanngortarmagu. Suliffeqarfik kusanartumik takujuminartumillu suunerluni sunillu neqeroorsinnaanerminit takutitsilersinnaavoq kikkunnit tamanit qaqugukkulluunniit takuneqarsinnaasumik. Suliffeqarfiup sullitani inuit attaveqaqatigiittarfii atorlugit oqaloqatigilersinnaavai pilerisaarilersinnaavorlu inuppassuarnit takuneqarsinnaasunik.

Ukiut arlalialunnguit Facebook-imiunerusoq nittartagalerinerlu aallutereerlugit sullissineq annertuseqqippoq – maanna pikkorissaanernik kiisalu attaveqaqatigiinnissami pilersaarusiornissamut ikiuinernut.

Malugiummi sullitaq sullitallu kissaatai pingaarnerpaajupput. Sullitammi suliffeqarfik nalunngilluarpaa Malugiullu internettikkut qanorpiaq saqqummiunnissaa pikkoriffigalugu. Sullissineq ammasumik pisuuvoq isertortunik allanilluunniit tupannarsinnaasunik peqarani, suleqatigiinnerullunili. Suleqatigiinnerlu tamanna sullitamut iluaqutaalluartumik kinguneqartarluni.

Malugiuk isumaqarpoq suliffeqarfiit tamarmik internettimiissasut – nittartakkakkuuppat inuit attaveqaqatigiittarfianiuppalluunniit. Mona oqartuarneratulli: nalunanngilaq – ilaajukua aallartisalaaginnagassat 🙂