Nittartakkatigut inuit attaveqaqatigiittarfii aamma internetti – suut eqqumaffigisariaqarpigit?

  • by

Nalunngiliuk inuup allap assinganik tamanut saqqummiussisinnaanak, inummit pineqartumit akuerineqaqqaarsimanngikkuit? ☺️

Ulluni kingullerni Instagram-imi profil-it tusakkanik siammarterinissamut kaammattuisut arlallit siammarterneqarput – tassungalu atatillugu eqqarsaasitserusulaarpunga 💭

Imaakkamimi:

Paasissutissat inunnut ataasiakkaanut allanut tunngalluinnartut aamma mianerisariaqartut tamanut saqqummiutissanngilluinnarpatit. Taakku tassaasinnaapput inuup napparsimanera imaluunniit akiitsoqarnera pillugu paasissutissat. Aamma tassaasinnaapput inuup akiligassinneqarsimanera, imaluunniit tillinniarsimasutut pasisaanera pillugu paasissutissat.

Paasissutissanik inunnut ataasiakkaanut tunngasunik tamanut saqqummiussiguit, inunnik paasissutissanik suliarinnittarneq pillugu inatsimmik unioqqutitsisinnaavutit.

Paasissutissanik tamanut saqqummiussinikkut inuit allat sakkortuumik kanngunarsarukkit aamma tamanna pinerluttulerinermi inatsimmik unioqqutitsinerusinnaavoq. Tamanna aamma atuuppoq inuup allap atisaqarani assinginik tamanut saqqummiussiguit.

Datatilsynet nittartagaani inatsisit naqitallu paasisaqarfiginerusinnaavatit 👍🏼

Siammarteritinnaq sunarpiaq siammarternerlugu eqqarsarluaqqaarinatoq 🌸

Leave a Reply

Your email address will not be published. Required fields are marked *