Pilersaarusiorluarnerup iluaqutai

2019 pileruttorpoq qaammallu siulleq naaleriikatappoq. Qisuariarpiarnataluunniit aput aalereerlunilu upernaaq tikiutereersimassaaraasiit πŸ™‚

Piffissap ingerlavallaannginnerani siunnersuutitsialammik tunilaarusuppassi:

Facebook-imi qupperninni pilersaarusiorluarnissaq salliussiuk. Pilersaarusiorluarnermimi kingusinnerusukkut piffissamik atueqqittariaqanngilatit, siammartigassammi siumut allareersinnaammata namminerlu siammertertussanngorlugit inissinneqarsinnaallutik (Facebook-imi quppernerni periarfissaq) – taamaasillutit piffissaq allamut atorluarsinnaavat ataatsikkullu inoqatinut attaveqaatiniillutit, torrak ilaa? πŸ™‚

Piareersarluarnermi iluaqutit arlalippassuupput, soorlu ukua:

  • quppernissi siunertassai anguniagassaalu periarfissarissavat qimerloorluarnissai
  • kikkunnut saaffiginnissanerlusi eqqarsaatigilluarsinnaavarsi taamaasillusilu siammartikkat tulluarsarluarsinnaallugit
  • siammartigassat suliarilluarsinnaavasi piffissaqarluarlusi assersuutigalugu assinik kusanartunik pilersitsillusi
  • kinguaattooqqasutut misiginavianngilasi
  • nammineq aaliangigassinnik quppernersi ilusilersussavarsi
  • tuaviuussanik siammerterinavianngilasi

Ikiugassaavisi? Isumassatsialannik aallerusuppisi? Workshopperusuppisi siunissamilu suli pitsaanerulerlusi? Taava saaffiginniinnassaasi πŸ™‚

Pilersaarusiorluarisi πŸ™‚

Leave a Reply

Your email address will not be published. Required fields are marked *