Inuinuna uagut marserusuttuusugut 🙂 Allat susarneranik, soorlu angerlarsimagaangamik, suligaangamik, feeriaraangamik qanorluunniit sungiusartarneranik. Taamaammat Malugiuk qanoq sunillu suliaqartarneranik takutitsilaarallarlanga 🙂 Jeps – ingilluariarlutit uani marserallaat 😉
Sapaatip akunnera kingulleq tunngavigissagukku nittartagalerinermiit inoqatinut attaveqaatinut (Facebook-iunerusoq) suliat assigiinngitsut suliaraakka. Assersuutigalugu suliffeqarfik inoqatinut attaveqaatini qanoq pilersaarusiornissamut tamanut iluaqutaalluartussamut workshop-ertippara. Ullut ulapiffiusut nuannersulli 🙂 Sapaatip akunneri marluk Danmarkimiinnikuulluga ataasinngormat uterama suliassani malunnarluarpoq! Nuanneqalunili 😉
www
Nittartagalerinermi assigiinngitsunik sullitaqarpunga. Sullitamma ilai nittartagarisap imarisaata nutarterneranik sullittarpakka, ilai aallaqqaataaniit nittartakkamik nutaavimmik sanaattarlugit allallu nittartakkap isikkuanik imarisaanillu nutarterneranik sullittarlugit. Sullitakka amerlanerit suliap naammassereernerata kingorna suli sullittarpakka soorlu nutarteriuarnermik. Sullitakka ilai nalunngeqqissaartarpaat qanorpiaq nittartakkap isikkoqarnissaanik ilailu siunnersorneqarnissamut ammanerusarput, imarisassaanuttaaq aamma ikiuilluartarpunga – suliassarpassuit tamarmik nuannerluartut 🙂 Uani paasisaqarnerusinnaavutit, uaniluunniit attavigalunga – apeqqutit suulluunniit akerusuttarpakka 🙂
Facebook-imiinneq aningaasarsiutigisarpara
Piaarilaarlunga oqartarpunga Facebook-imiittarlunga akissarsiutigalugu 🙂 Ilami assersuutigalugu sullitaqartarpunga Facebook-imi qupperneranni siammarterisuullunga, pilersaarusiorlunga allaallu aamma saaffiginnissutit akinissaat isumagisarisarlugu. Arlalippassuimmi inoqatinut attaveqaatiniikkusukkaluarlutik piffissaqaratilli immaqaluunniit immikkut sulisussaqanngillat isumaginnittuusussanik – tassanilu Malugiuk ikiuilluarsinnaasarpoq 🙂 Oqarpungami Facebook-imiittarlunga akissarsiutigalugu 😉 Soqutiginnippit? Uani paasisaqarnerusinnaavutit, uaniluunniit attaveqarlutit – Malugiuk ikiuilluarsinnaavoq 🙂 Tamattami marserusuttarpugut – aamma suliffeqarfiit siammartigassaannut 😉