2020 piareersimaffigaajuk?

  • by

Ukioraasiit naaleriikatappoq! Ukiumut nutaamut piareeqqavit? Ukiumut nutaamut isertinnata siunnersuutissatsialannik tunilaarusuppakkit Facebook-imi SoMe-niluunniit allani qanorpiaq pitsaanerusumik ingerlasinnaanissannut 🙂 Kinami pitsassuarmik Facebook-imi ingerlarusunngila?

Piffissaq atorluarlugu pilersaarusiorit

Immaqa pilersaarusiornissaq pilerinarnerpaanngikkaluartoq ukua apeqqutit eqqarsaatigilaatsiakkit:

  1. Anguniakkat
    Soorpiarmita Facebook-imiissavit?
    Suna anguniagaava Facebook-imiinnermi?
    Suallaatigissaviuk?
  2. Saaffigisassat
    Kikket oqaloqatigerusuppigit?
    Suna nuannarisarivaat?
    Suna soqutigisarivaat?
  3. Nipi
    Saaffigerusutatit qanoq nipilimmik saaffigissavigit?
    Saaffiginnissutit qanoq akissavigit?
    Emojis, assit assigisaallu qanoq atortigerusuppigit?
    Naggasiullugulu niperisaasumi killissatit aaliangersoreerpigit?

Apeqqutit ukusa eqqarsaatiginerinnaani suliffeqarfivit Facebook-imi qupperneranut pilersaarusiassaa aallullualereerpat. Sunami anguniagarissanerlugu, kikkut qanorlu saaffigissanerlugit inissikkiartuaalereerpat.

Apeqqutit akereeriarukkit siammartigassanik brainstorm-ernissaq tullernguuppoq. Suleqatitillu arlaliullusi siammartigassatsialannik pilersaarusioritsi, quppernissinni siumut piareereerlugit ikkussorlugit. Taamaasillusi suliassap annerpaartaa naammassissavarsi 🙂

Iluatsitsilluarina, malinnaajumaarpunga 🙂

Leave a Reply

Your email address will not be published. Required fields are marked *