2020-mi suna tamari allaanerugaluartoq

  • by

ukiumut pereersunut tamanut qujarusuppunga! Sullissimasannut tamanut qujanaq! Sulianut nuannerluinnartunut qujanaq! Periarfissanut nutaanut qujanaq!

Covid-19

Covid-19 takkuteqqaarmat suna tamangajammi internettikkut pilertorpoq, Malugiuk nittartakkanik inuit attaveqaqatigiittarfinni sullissisuummat aallarniutigalugu Malugiummut ulapinneq aallartilluni. Nittartakkat nutaat suliassanngorput, sullitat inuit attaveqaqatigiittarfiani pitsaanerusumik iluaqutaanerusumillu ingerlalerusupput. Covid-19 takkunneranili aamma sullitat sipaarniarlutik suleqatigiinnerit ilai ajoraluartumik unipput. Suliffeqarfiit tamarmik takusinnaasimanngilaat internettimiinneq qanoq iluaqutaatigisinnaanersoq. Taamaammat covid-19 Malugiummut nuannersunik nuanniinnerusunillu kinguneqarpoq.

Qaammatillu arlallit Malugiummi pingaaruteqalerpoq internettimiinnissap qanoq pingaartigineranik eqqartuinissaq, paasititsinissaq takutitsinissarlu. Sulisut angerlarsimaffimmiit sulititaapput, neriniartarfiit matupput. Inunnut angallassinerit killilersorneqarput. Inuit maanna internettimiinnerulerput suli, soorlu ataatsimiinnerni, sulinermi allanilluunniit oqaloqateqarnissami. Nalunarsileraluarpoq Malugiuk ingerlarsorsinnaassanersoq – pissanganarluinnaleraluarpunga. Qujanartumilli ulloq manna tikillugu maaniippunga qujamasunnermik ulikkaarlunga.  

Neriuutissat

Ukiap takkunnerani saaffiginninnerit periarfissallu nutaat takkussuupput. Ukioq naavoq sullitap iluarinnilluartup nittartagaanik saqqummiineq. Inuit attaveqaqatigiittarfiani sullissinissanik isumaqatigiissutit nutaat isumaqatigiissutigineqarput. Nittartagaq suliassaq nutaaq aallartippoq. Sullitat pioreersut iluarinnillutik suli sullinneqarput. Isumassarsiat nutaat passunneqarput. Piffiit neriunnarput.

2021

Manna aallartippoq, 2020-milu pereersimasunut qujamasunnermik aallartilluni. Suliassanut nutaanut nukissaqarfiulluarluni 2021 aallartippoq. Isumassarsiat nutaat aallunneqarput inuillu attaveqaqatigiittarfiani periusissat nutaat isumassarsiallu aamma aallunneqarlutik.

Pisarnertulli nutaamik aallartiffimmi – taamaalioreersimanngikkuit – siumut isiginissaq pilersaarusiorluarnissarlu pissaaq. Inuit attaveqaqatigiittarfii qanorpiaq ilinnut suliffeqarfinnullu iluaqutigilluarusuppigit? Nittartagavit qanoq ikiuilluarsinnaanissaa kissaatigaajuk? Isikkussaq aaliangersimasoq qanoq ittoq takutikkusuppiuk? Oqariartuut aaliangersimasoq oqaatigerusuppiuk? Nittartagaappata inuilluunniit attaveqaqatigiittarfiani pilersaarusioruit Malugiuk ikiuilluarsinnaavoq ☺️ Attaveqarit naapilaarluta qanorpiaq suleqatigiilernissaq eqqartorniassavarput. Tusarfiginissat qilanaarivara! Ukiumilu nutaami pilluarit – takuss’ ☺️

Leave a Reply

Your email address will not be published. Required fields are marked *