Skip to content

Shitstorm-it inuillu attaveqaqatigiittarfiani nipi periuserlu atukkat

  • by

Shitstorms qununaqisut

Inuit attaveqaqatigiittarfianni shitstorms qununarsinnaaqaat, suliffeqarfippassuillu mianersortumik pisarput “anorersuarsiorusunnatik”. Sulisoq siammartigarluunniit paatsoorneqarsimappat naammagittaalliortoqarsimappalluunniit. Amerlasoorpassuarnit paasinartumik qunugineqarlunilu mianersuunneqartarpoq. Taamammi pisoqassagaluarpat qanoq iliortoqassava?

Inuit attaveqaqativiittarfiani nipi periuserlu

Pisooqataasinnaasut ilagaat inuit attaveqaqatigiittarfiani nipi periutsillu atukkat. Taakkuami ajoraluartumik ajornermut saannikuupput. Inuit sakkortunerujussuarmik oqaaseqartarlutillu periuseqalernikuupput. Oqaaseqatigiit atukkat kamaqarnerujussuupput, kusanaannerujussuullutik killigisanillu qaangiisutut misiginarsinnaasarlutik inoqatit toqqaannaq assinganik oqarfigissagaanni. Allaat nunami præsidentiusoq inuit attaveqaqatigiittarfiani iliuutsinik kaammattuisalernikuuvoq. Meeqqat oqaatsit atugarisaat sunnertinnikuupput, amerlanerit nalugaluarlugu qanorpiaq oqarnerlutik sakkortusinnaaqaat.

Assersuutit qungujunnartut

Qujanartumilli assersuuteqarpoq qungujunnarluartunik.

Assersuut siulleq:

Roskilde Festival qupperneranit tigusaavoq, taakkuami saaffiginnissummik pisimapput inummit kamavissortumit allaat angisuunik naqinnernik oqaasipilunnernillu atuisumit:

Roskilde Festival Facebook-imi qupperneranit assilisaq

Suliffeqarfiit amerlanerpaat immaqa saaffiginnissut annertunerusumik qisuariarfigisimanavianngikkaluarpaat immaqaluunniit peersimassagaluarpaat, sapernarpormi iluamik oqaloqatigiinnissaq allarniut uaniippat. Taamatulli iliunngillat, nuannarineqarluartumimi akisupajuupput:

Roskilde Festival Facebook-imi qupperneranit assilisaq

Assersuutip aappaa:

Ukiut arlallit qaangiummata nunatsinni internettimik inuinnarnut tuniniaanissami kisermaassineq atorunnaarmat Comby unammillertut ilagivaat. Taakkualu sullitaminnut tunisassianik assigiinngitsunik neqeroorput illoqarfikkaarlugu siammartikkaminnnik. Tassungalu atatillugu immaqa utaqqikatalaartumit aperineqarput “Naak Sisimiut?????” – tassanilu paasineqarsinnaavoq “Qaqugu Sisimiuni tuniniaalissavisi?” – kisiannili aamma Sisimiut sumiinneranik aperisutut paasineqarsinnaalluni. Taannalu aamma nuannarineqarluartumik akineqarpoq:

Comby Facebook-imi qupperneranit assilisaq

Suliffeqarfittut qanoq qisuariassavit?

Siullertut arlaannik susoqannginnerani qanorpiaq iliornissamut pilersaarummik pilersitsigit. Taamaasillutit ulapputissaqalissagaluarussi qanorpiaq iliornissarsi nalunavianngilarsi, nalunagulu aamma periusissaq piareersarluarsimasuussasoq.

Aappaattut naammagittaalliutigineqarsinnaasut piareersimaffigilluarsigit eqqarsaatigilluarlugu qanoq inuit naammagittaalliuteqarsinnaanerannik, qanorlu akilluarneqarsinnaaneri. Piareeersarluarsimagussi aamma naammagittaalliortut ajunngitsumik misigisaqartissinnaavasi, qunugisallu aamma taamaasillutik milliallassapput. Inuimmi attaveqaqatigiiffianiinneq akisarnissamik pilersitsisarpoq, inuimmi naammagineq ajormassuk malinnaaginnarnissartik saaffiginnissagaluarunillu aamma akineqarnissartik naatsorsuutigisarisuuaat.

Eqqaamajuk inuinnaammata. Imaassinnaasoq inuit saaffiginnittut kamattut, inuinnaappulli. Uagullu inuit takuneqarlutalu tusaaneqarnissarput pisariaqartittuuarput. Akisinissarlu tunngavilersorluakkamik saamasumillu pisinnaavoq. Saaffiginnissut atuarluaruk sunarpiarlu pineqarnersoq atuarlugu, taava tunngavilersorluakkamik inussiarnersumillu akigit.

Minnerunngitsumillu saaffiginnissutit akisakkit. Inuimmi attaveqaqatigiittarfianiilluni siammarteriinnarneq naammanngilaq, saaffiginnissutit akineqartariaqarput. Akineqannginneq aamma kamannarsinnaasuuvoq – pinaveersaaruk.

Suliffeqarfiit ikiugassaava? Saaffiginnigit 🙂

Leave a Reply

Your email address will not be published. Required fields are marked *