Skip to content

Juullimi unammisitsinerit – Yay/Nay?

  • by

Juullileqaaq piffissanngorporlu amerlasuunut Facebookimi unammisitsinissaq.  Arlalippassuit unammisitsissamaarput amerlasuullu aallarteriikatannikuupput. Immaqa eqqarsaatigaarsi unammisitsissanerlusi? Taava siunnersuutissatsialannik maani pissarsigit:

Aallartiinnariarta 🙂

Yay:

Peqqutissarpassuaqarsinnaavoq unammisitsinissamut iluaqutissarpassuaqarmammi 🙂 Aamma allarpassuit unammisitsigaluartut, soorlu peqqutissat makku:

  • Quppernissi like-i amerlissapput
  • Inuit siammarterinermi angumersinnaasasi (rækkevidde) amerlissapput unammisitsinerni inuit like-rillutillu oqaaseqarlutillu siammarterilluartarmata
  • Eqqartorneqassaasi
  • Tunisassiassi/suliffeqarfissi sammisaalluarsinnaavoq unammisitsinermi
  • Pissanganermik nuannaarnermillu siammartereqataassaasi
  • Inuit juullimut qilanaalernissaannut peqataassaasi
  • Eqquisup sivisuumik eqqaamassavaasi
  • Piareersarluakkamik ingerlassigussi tunisini qaffalluarsinnaavasi

Nay:

Isumassatsialaalluarsinnaavoq unammisitsinissaq, illuatungaanili aammattaaq sooq unammisitsinnginnissaq iluaqutaasinnaavoq:

  • Unammisitsinissaq piareersarluarneqanngilaq taamaammallu iluatsilluarnaviarnani
  • Inuppassuit “del og like” qatsutiivippaat taamaammat allatut unammisitsinissaq siunnersuutaalluarsinnaavoq
  • Isumassatsialak, sooq unammisitsinissaq, piareersarnissaq, assitassaanik suliaqarnissaq, piffissamik annertuumik atuisinnaanissaq… allarpassuillu – imaaliallaannaanngilaq
  • Unammisitsinerpassuaqarpoq taamaammallu ilisserpiaat unammisitsinersi allat akornanni tammarsinnaalluni
  • Inuit eqqugassaq piinnarlugu ilaasinnaasarput, soqutiginninneq pinnagu. Taamaammat unammisitsineq qaangiuppat taakkua tammaqqinnissaat naatsorsuutigineqarsinnaavoq
  • Unammisitsineq pissanganarpianngippat soqutaavallaarnaniluunniit eqqartornerlunneqalersinnaavusi
  • Inatsisit malitassat nalunnginneqartussaapput

Siunnersuutissatsialaat:

Unammisitsinissaq aaliangiukkussiuk isumassatsialaat ukua eqqaamaniarisigit:

  • Piareersaalluaritsi aallartitsinnasi – aappaagulu aallartiaarnerulaarisi 🙂
  • Suallakkusunnerlusi eqqarsaatigilluarisiuk tamannalu angunissaanut pilersaarusiorlusi
  • Inatsisit malitassat qimerloorisigit
  • Eqqaamallugu unammisitsineq piffissamik naatsorsuutigisamiit atuinarnerusarmat
  • Ilissittaaq aamma suallaatigissavarsi, taamaammat sullitasi immissinnullu aamma eqqarsaatigigisi piareersaanermi
  • Qungujunnartutaa nuannisarnartutaalu eqqaamallugu, INOQATINUMMI attaveqaataavoq inuit tarrarsorfigisartagaat
  • Piareersarluakkamik periarfissaqanngikkussi unammisitsinissamut aappaagumut utaqqiinnaritsi – inuimmi del og like qatsuppaat!

 

Leave a Reply

Your email address will not be published. Required fields are marked *