Skip to content

Facebook-imi paasissutissaatitit app-it aqqutigalugit “aniatippatit”

  • by

Facebook app-illu

App-it atukkatit Facebook aqqutigalugu iserfigisarpigit? Assersuutigalugu immaqa Farmville spil-ertarpat, Candy Crush-imiluunniit kammalaatit “inuunernik” tuniorartarlugit? Taava suliffeqarfiit Facebook-imiit paasissutissaatinnik tuniorartarpatit.

Ulluni makkunani Facebook-ip paasissutissat tuniniaqqittarai, Cambridge Analytica-illu 2014-mi inuit 87 mio-nit tikillugit paasissutissaat katersorsimagaat ulluni makkunani eqqartorneqaqaaq.

Immaqa nalornivutit eqqugaanerlutit, imminulluunniit illersornissat pisariaqartippat?

Uani malittarisassaq maliguk namminerlu aaliangerlugu app-it paasissutissat suut atorsinnaaneraat aaliangerlugu.

Imannak iliussaatit computeri atorlugu Facebook-eruit:

  1. Facebook-it iserfigiuk, talerpiatungaanilu qulaani trekant-iarannguaq toorlugu
  2. Indstillinger tooruk
  3. Apps og websites tooruk
  4. Maanna app-it paasissutissannik tigooraasinnaasut akuerinikuusatit nuipput. Arlaata nalaani rediger tooruk (app-ip ilisarnaataata saniani aqerluusangasoq tooruk)
  5. Maanna takusinnaalerpat app-ip toqqakkavit paasissutissat suut pissarsiarisinnaanerai. Talerpiatungaani v-usannguit toorsinnaavatit naggataatigullu Gem toorlugu.
  6. App-it aamma piivissinnaavatit, rediger saniani kipparissuarannguaq tooriarlugu quppernermi Fjern toorlugu

Imannak iliussaatit app atorlugu Facebook-eruit:

  1. App ammaruk
  2. Titarnerit pingasut tuukkit
  3. Indstillinger og privatinstillinger tooruk
  4. Kontoinstillinger tooruk
  5. Apps tooruk
  6. Logget på med Facebook tooruk
  7. Maanna takusinnaalerpat app-ip toqqakkavit paasissutissat suut pissarsiarisinnaanerai. App toqqakkavit nalaani Vis tooruk talerpiatungaanilu v-usannguit toortarsinnaalerlugit naggataatigullu Gem toorlugu paasissutissat suut atorsinnaasut atussanngitsullu aaliangereeriarukku
  8. App-it aamma piivissinnaavatit. Logget på med Facebook tooreerukku saamiatungaani ammalortuaraq toorsinnaavat Fjern-ilu toorlugu.

Iluatsitsilluarina 🙂

Leave a Reply

Your email address will not be published. Required fields are marked *