Sussamaarnerlutit Local atorlugu aaliangeruk

Malugiummi suliffeqarfiit inoqatinut attaveqaatit qanorpiaq iluaqutiginerpaasinnaaneraat suliarisaraarput. Soqutigisaraarputtaarli aamma atuisut inuinnaat inoqatinut attaveqaatini nuannernerpaamik misigisaqarnissaat πŸ™‚ Ullumilu ilanngutassiap tamannarpiaq sammivaa, attaveqaqatigiinnerlu sammigallartigu πŸ™‚

Facebook sorpassuarnut atorluarneqarsinnaavoq, kammalaativit “takunissaanut”, tuniniaanissamut, gruppe-ni assigiinngitsuni ilaasortaanissamut, kammalaatit qaaqqunissaanut sulerinissaanulluunniit paasisaqarnissamut. Facebook-illu tamanna ajornannginnerulersippaa Facebook Local app atorlugu πŸ™‚ App-ermi taanna atorlugu pisussat takusinnaavatit. Sumiiffigisanni pisussat, kammalaativit pisussat ilaaffiginiarlugit toqqaanikut quppernerilluunniit malinnaaffigisavit pisussat pilersitaat – takujuminarsarlugit ajornanngitsumik saqqummiullugit takoriaannanngorlugit πŸ™‚

Malugiummi torrallalluagaasorivarput, ilami kammalaatitta innersuussaat (uani Facebook-imi kammalaatitta “begivenhed” ilaaffiginiarlugu aaliangiussaat) tatiginerusarpagut, quppernerit malinnaaffigisatta pisussanik pilersitsineraniit. App-erlu atorlugu tassa taannarpiaq pissavarput: kammalaatitta innersuussinerat πŸ™‚

App-imi kammalaativit pissussani ilaaffigisassaat takusinnaavatit, quppernerit malinnaavigisavit pisussat pilersitaat, sumiffigisanni susoqassamaarneranik allaallu kategorit assigiinngitsut tuuginnarsinnaallugit soorlu Neriniartarfiit. Ullorsiuteqarportaarlu aamma pisussani peqataaffigisassatit takujuminarsarlugit pilersaarusiornissannulluunniit atorluarsinnaasannik.

App-ip iluatsinnissaanut piumasaqaataavoq quppernerit inuillu pisussanik Facebook-imi pilersitsisarnissaanik, inunnillu peqataanissamut takutitsinermik – Facebook-illi angissusaa atorluarneqarneralu naapertorlugu tamassumap iluatsereersimanera oqaatigilluaannarutigu ilaa…? πŸ™‚

Neriuppunga ilanngutassiap kammalaatitillu sulerisinnaanissassinnik innersuussinnaagaasi, kammalaatimmi ilaqutaapput nammineq toqqakkat πŸ™‚

Leave a Reply

Your email address will not be published. Required fields are marked *