Qujanaq!

2019 aallarteruttorpoq, 2018-imulli qujalaarusuppunga ingerlariaqqippallaartinnata 🙌🏼❤️

2018 Malugiummut (uannullu) puigunaattuaannartussaavoq 👌🏼 Ukiup pingajussaa Malugiuk ingerlavoq aatsaallu taamak ingerlalluartigaluni! 😍 Malugiuk pilersinneqarmalli aatsaat taamak ulapiffiusimatigaaq suliassallu naammassisallu amerlaqalutik, ilaatigullu artornarsinnaasarsimavoq sullitalli suliallu pingaaruteqarlutillu isumaqarluarmata nukissanik tunisisarsimaqaat 😄

2018-mi aatsaat taamak Malugiuk innersuunneqartigaaq inuillu saaffiginnittut amerlasimaqalutik 😄 Tamannalu tanngannaqaaq 😄Qujamasunnaqalunilu ❤️ Inuimmi sullitarisimasat naammagisimaarinnilluartut innersuussinerat namminersortuulluni naleqaqaaq isumalerujussuullunilu 🙌🏼❤️

2018 tamanut qujanaq ❤️

2019 aallarteruttorpoq suliassallu pioreersut nutaallu piareersarluarneqaleruttorput, nittartagalerinerup inoqatinullu attaveqaatit iluanni suliassaanerullutik, suliassalli suliarerusutat aamma malersornissaanut piareersarneq pileruttorpoq 😄

2019 tikilluaqqungaarpakkit suliassat misigisassallu tamannguisa ammasumik qilanaarlunga tikilluaqqullugit 😍

Ukiortaami tamannguassi pilluaritsi 🥳

Leave a Reply

Your email address will not be published. Required fields are marked *